Bıyl kınostýdıanyń 14 fılmi 7 halyqaralyq kınofestıvalge qatysyp, 10-nan astam júldege ıe boldy.
Sháken Aımanov atyndaǵy «Qazaqfılm» kınostýdıasy qyzmetkerleriniń jalaqysy 30 paıyzǵa kóteriledi, dep habarlaıdy Almaty-akshamy.kz Mádenıet jáne sport mınıstrliginiń resmı saıtyna silteme jasap.
Mınıstr Dáýren Abaev «Qazaqfılm» kınostýdıasynyń jumysymen tanysty. Sol jerde stýdıa basshysy Aqan Sataev 1 qyrkúıekten bastap qyzmetkerlerdiń eńbekaqysy orta eseppen 30 paıyzǵa kóteriletinin aıtty.
Mınıstrlik otandyq kınematografıany damytýǵa baǵyttalǵan birqatar mindetter qoıdy.
Budan basqa, ınjenerlik jeliler men ǵımarattar jańartylady, kúrdeli jóndeý jumystary atqarylady. Sondaı-aq, túsirilim pavılondaryn salý jáne zamanaýı jabdyqtar satyp alý sharalary qolǵa alyndy.
«Kınostýdıanyń barlyq ınfraqurylymy kezeń-kezeńimen jańartylatyn bolady. Biz zamanaýı kınostýdıa qurǵymyz keledi jáne Ortalyq Azıa óńirinde kóshbasshy orynǵa shyǵý úshin bar kúshimizdi salamyz. Búginde kınoǵa túsirý jabdyǵy, jaryqtandyrý tehnıkasy, serverlik jabdyq, derekterdi óńdeý ortalyǵy, beıne-dybystyq montajdaý jáne anımasıalyq kompúterler satyp alyndy», - deıdi Sataev.
Al Mádenıet jáne sport mınıstri otandyq kınematografıany damytýǵa jáne nasıhattaýǵa baǵyttalǵan birqatar mindetter qoıdy.