Memleket basshysy Abý Dabıdiń Taq murageri Haled ben Muhammed Ál Nahaıanmen kelissóz júrgizdi, dep habarlaıdy aqshamnews.kz
➤ Qasym-Jomart Toqaev mártebeli meımanǵa iltıpat bildirip, onyń bul sapary Qazaqstan men Birikken Arab Ámirlikteri arasyndaǵy yntymaqtastyqqa tyń serpin beretinine nazar aýdardy.
✔️ Prezıdenttiń aıtýynsha, Ámirlikter – elimizdiń eń basty seriktesteriniń biri. Qos memlekettiń maqsat-múddeleri bir-birimen sáıkes keledi. 2023 jyly eki el úkimetteri Strategıalyq ınvestısıalyq jobalardy júzege asyrý týraly birlesken deklarasıaǵa qol qoıdy.
✔️ Kezdesýde Birikken Arab Ámirlikteriniń Qazaqstan ekonomıkasyndaǵy eń iri sheteldik ınvestorlardyń ondyǵyna kiretini jóninde aıtyldy. Byltyr BAÁ-nyń elimizge quıǵan ınvestısıa kólemi eki esege artyp, rekordtyq kórsetkishke jetti.
✔️ Memleket basshysy atalǵan sapar aıasynda quny 5 mıllıard dollardy quraıtyn 20-dan astam komersıalyq kelisimge qol qoıylatynyn quptady. Olardy júzege asyrý elder arasyndaǵy strategıalyq yntymaqtastyqty aıtarlyqtaı ilgeriletip, ózara tıimdi baılanystardy nyǵaıtýǵa septigin tıgizedi.
➤ Abý Dabıdiń Taq murageri kórsetilgen qonaqjaılyq úshin rızashylyǵyn bildirdi. Sonymen qatar tabıǵaty kórkem, halqy jaısań elimizge erekshe qýanyshpen keletinin jetkizdi.
✔️ Haled ben Muhammed Ál Nahaıan Qazaqstan men BAÁ arasyndaǵy qarym-qatynas ózara senim, qoldaý jáne ortaq ıgilikke birge umtylý qaǵıdattaryna qurylǵanyn atap ótti. Bul baılanystar saýda-ınvestısıalyq yqpaldastyq sheńberinen shyǵyp, energetıka, kólik salalarynan bastap sıfrlyq ınfraqurylym men bilim berý isine deıin jalǵasyp jatqan keń aýqymdy baǵyttardy qamtıtynyna toqtaldy.
✔️ Taq murageriniń aıtýynsha, búgin qol qoıylatyn kelisimder eki eldiń bolashaqta da birlesip jumys isteýge beıil ekenin dáleldeıdi.