Memleket basshysy Qasym-Jomart Toqaev quqyq qorǵaý organdarynyń keńeıtilgen alqa májilisinde qansha adamǵa amnıstıa jarıalanǵanyn aıtty, - dep habarlaıdy aqshamnews.kz tilshisi.
"Bıyl Konstıtýsıanyń qabyldanǵanyna 30 jyl tolady. Osyǵan oraı, quqyq qorǵaý qurylymdary, depýtattar men quqyq qorǵaýshylar sottalǵan azamattarǵa raqymshylyq jasaý týraly bastama kóterdi.
Parlament tıisti zańdy qarady, men bul zańǵa qol qoıdym. Osy izgi sharanyń arqasynda jazasyn ótep jatqan 15 myńnan astam adamǵa amnıstıa jarıalandy. Sonyń eki myńnan astamy bostandyqqa shyǵady. Qalǵandarynyń jaza merzimi qysqarady. Onsha aýyr emes jáne aýyrlyǵy ortasha qylmys jasaǵandar ǵana raqymshylyqqa ilinedi. Eń aldymen, áleýmettik jaǵynan osal topqa jatatyn adamdarǵa, ıaǵnı, balasy bar áıelderge, egde adamdarǵa, kámelet jasyna tolmaǵandarǵa jáne osy sanattaǵy basqa da azamattarǵa keshirim beriledi.
Muny jaza basqan jandarǵa jasalǵan naqty kómek, olardyń qoǵamǵa qaıta oralýyna jaǵdaı jasaý dep túsiný qajet. Ál-Farabıdiń sózimen aıtsaq, bul – shyn máninde qaıyrymdy elge tán sıpat", - dedi Toqaev.