2022 jyldan beri halyqaralyq izdeýde júrgen jáne aqshany zańdastyrýǵa qatysy bar dep kúdikke ilingen tulǵanyń aqshalaı qarajaty men múliktik aktıvteriniń qylmystyq jolmen alynǵany dáleldendi, dep habarlaıdy aqshamnews.kz
Ol jyljymaly jáne jyljymaıtyn múliktiń qymbat nysandaryn, onyń ishinde jubaıyna resimdelgen nysandardy satyp alý úshin shamamen 1,5 mlrd teńge zańǵa qaıshy aqshany paıdalanǵan. Olardyń qataryna Almaty qalasy men Almaty oblysyndaǵy lúks avtomobıl, páter, jer ýchaskeleri, turǵyn úıler men qurylystar jatady.
Qarjylyq tergeý qosymsha 1,7 mln AQSH dollaryn (872 mln teńgeden astam) jáne Qazaqstannyń ekinshi deńgeıdegi bankterindegi aıyptalýshy men onyń jubaıynyń shottarynda 47 mln teńge anyqtady. Olar qylmys jasaý kezeńinde alynǵan jáne olardyń resmı tabystaryna sáıkes kelmeıdi.
16 maýsymdaǵy sot qaýlysymen aqshalaı qarajat pen múliktik obektiler memleket kirisine tárkilendi.