Qazaqstannyń halyq ártisi Shahımardan Ábilovtyń shyǵarmashylyq keshi ótýde
Alataý aýdanyndaǵy Almaty qalasy ákimdiginiń qoldaýymen jańa úlgide ashylǵan daryndy balalarǵa arnalǵan Oqýshylardyń ınovasıalyq shyǵarmashylyq ortalyǵynda Qazaqstannyń eńbek sińirgen qaıratkeri Shahımardan Ábilovtyń «Tolyq adam, oı tolǵaý, Hákim Abaı» atty mono-opera, mono-rekvıem shyǵarmashylyq keshi ótip jatyr.
Mádenı is-sharaǵa Almaty qalasy ákiminiń orynbasary Ásem Núsipova, ardager-ustazdar men klasıkalyq ónerdi súıetin kórermen qatysýda. Keshti tamashalaýǵa 300-ge jýyq oqýshy kelgen.
Belgili ánshi, vokaldyq lırıkanyń tamasha oryndaýshysy Shahımardan Ábilovtyń esimi Qazaqstanda ǵana emes, odan tys jerlerde de keńinen tanymal. Búginde Sh.Ábilov – respýblıkamyzdyń mýzykalyq mádenıetinde erekshe oryn alatyn óner ıesi. Ánshiniń shyǵarmashylyǵynyń shyńy Abaı óleńderine kameralyq-vokaldyq shyǵarmalardy oryndaý boldy.
Oqýshylardyń ádebı ári mádenı tanymdylyǵyn arttyrý maqsatynda atalmysh óner ıesimen kezdesýdi qalalyq Bilim basqarmasy uıymdastyryp otyr.
Daryndy balalar men jasóspirimderdiń shyǵarmashylyǵyn qoldaýǵa arnalǵan ortalyq 3 qabattan turady. Oqýshylardyń shyǵarmashylyq damýyna barlyq jaǵdaı jasalǵan. Aptasyna 5000-ǵa jýyq bala qabyldaıdy