Japonıa turǵyndarynyń 55% Olımpıadaǵa qarsy bolyp otyr.
Koronavırýs pandemıasy kesirinen 2021 jylǵa qaldyrylǵan Olımpıada oıyndary 23 shilde men 8 tamyz aralyǵynda ótedi, dep habarlaıdy Almaty-akshamy.kz Interfax.ru saıtyna silteme jasap.
"Tokıo-2020" Olımpıadasynyń prezıdenti Seıko Hasımoto: «Másele bizdiń adamdardy qanshalyqty baqylap, ıegere alatynymyzǵa baılanysty. Eger oıyn ýaqytynda ınfeksıa taralý qaýpi joǵary bolyp, onyń saldarynan tótenshe jaǵdaı ornaıtyn bolsa, kórermensiz-aq ótkizýge daıyn bolýymyz kerek», - deıdi.
Olımpıadany uıymdastyrý komıteti ókilderiniń onlaın kezdesýiniń 20 naýryzdaǵy qorytyndysy boıynsha, sheteldik qonaqtar kirgizilmeıdi dep habarlanǵan. Al úkimet tarapynan ınfeksıadan qorǵaný qaýipsizdigin saqtaı almaı qalý kúmáni jergilikti halyqtyń da oıyndardy tamashalaýy týraly pikirtalas týdyryp otyr.
Qoǵamdyq pikirdi bilý úshin júrgizilgen sońǵy saýalnama nátıjesi turǵyndardyń 55%-nyń Olımpıadaǵa qarsy ekendigin kórsetip otyr.
- Olımpıada kezinde de, odan soń da tolyq qaýipsizdikti qamtamasyz etý múmkin emes, - dep esepteıdi japondyq ınfeksıonıst, Tohoký ýnıversıtetiniń profesory Hırosı Oshıtanı.
«Úkimet pen Olımpıadany uıymdastyrý komıteti, sondaı-aq Olımpıada komıteti qaýipsiz Olımpıada ótkizetindikterin aıtyp otyr. Biraq bári de qaýiptiń baryn biledi. Olımpıada oıyndarynan keıin Japonıada jáne basqa elderde de ınfeksıa tarap ketý qaýpin joqqa shyǵara almaımyz» , - dedi londondyq The Times-tiń sarapshysy.
Koronavırýs pandemıasy kesirinen 2021 jylǵa qaldyrylǵan Olımpıada oıyndary 23 shilde men 8 tamyz aralyǵynda ótedi.