Jel kúsheıip, burshaq jaýýy múmkin.
Qazaqstan sınoptıkteri aýa raıy boljamyn aıtty. Bul boljam boıynsha, aldaǵy táýlikterde kún salqyndaıdy, dep habarlaıdy Almaty-akshamy.kz.
«Baıaý qozǵalatyn ońtústik sıklony Qazaqstan aýmaǵynda áli de turaqtaıdy, osyǵan baılanysty aldaǵy úsh táýlikte elimizdiń basym bóliginde jańbyr jaýady, ortalyqta jáne ońtústik-shyǵysta nóser jańbyr jaýyp, jel kúsheıýi, burshaq jaýýy múmkin, sondaı-aq ońtústikte shańdy daýyl turady», – delingen RMK «Qazgıdromet» habarlamasynda.
Respýblıkanyń soltústik, ortalyq jáne shyǵys bóligindegi aýa temperatýrasynyń tómendeýine kezekti sýyq skandınavıalyq antısıklon yqpal etedi. Bul aımaqtarda termometr baǵandary túnde +2-den +10 gradýsqa deıin, kúndiz +15-ten +20 gradýsqa deıin, ońtústik bóliginde +7-den +18 gradýsqa deıin, kúndiz +22-den +35 gradýsqa deıin tómendeıdi. Batys bóliginde aýa temperatýrasy túnde +15-ten +23 gradýsqa, kúndiz +25-ten +37 gradýsqa deıin ózgeredi.