Premer-Mınıstrdiń orynbasary Eraly Toǵjanov eldegi epıdahýaldyń nasharlaýyna baılanysty merekeler men jıyndardy toqtatý kerektigin aıtty, dep habarlady Almaty-akshamy.kz
«Búginde eldegi qoǵamdyq-saıası jaǵdaı turaqtaldy. Qalpyna keltirý jumystary júrip jatyr. Alaıda koronavırýs indeti órship barady. Sondyqtan maska kıý, áleýmettik qashyqtyqty saqtaý jáne t.b. aldyn alý sharalaryn qoldaný qajet. Toıdy, jıyndy, otbasylyq merekelerdi, negizsiz basqosýdy, qydyrýdy ýaqytsha toqtatý kerek! Aýrý adamdar oqshaýlanýy kerek! Bul – búgingi kúnniń, búgingi jaǵdaıdyń talaby! Bul – aınaladaǵy siz jaqsy kóretin adamdarǵa qaýip tóndirmeýdiń joly! Bul – sanaly qoǵamnyń ár azamatynyń moınyna alatyn jaýapkershiligi! Aýyryp em izdegenshe, aýyrmaıtyn jol izdeıik, aǵaıyn! Barlyq qoldanylyp jatqan sharalar halqymyzdyń densaýlyǵyn qorǵaýǵa baǵyttalǵanyn taǵy da atap ótemin. Bizdiń baqytymyzdyń onnan toǵyzy densaýlyǵymyzǵa baılanysty. Sondyqtan, qurmetti qazaqstandyqtar, sizderge jáne jaqyndaryńyzǵa densaýlyq tileımin», – dedi Eraly Toǵjanov.