Qaı óńirlerde koronavırýs indeti órship tur?
Bul týraly QR Premer-Mınıstriniń orynbasary Eraly Toǵjanov baıandady, dep habarlaıdy Almaty-akshamy.kz QazAqparatqa silteme jasap.
Túrkistan oblysyn qospaǵanda, elimizdiń barlyq óńiri "qyzyl" aımaqqa endi. Aýrýshańdyq deńgeıi boıynsha Nur-Sultan, Almaty qalalary, Qaraǵandy jáne Atyraý oblystary kósh bastap tur. Jeltoqsan aıynyń sońynda stasıonarlarda 3 myńnan az adam em alsa, búginde naýqastar sany 7 myńnan asty. Emhanalar deńgeıinde emdeletin naýqastar sany da 4,8 esege artty», - dedi E.Toǵjanov Ortalyq komýnıkasıalar qyzmetinde. Bir ǵana Nur-Sultan qalasy boıynsha stasıonarlarda em alatyn adamdardyń sany 200 adamnan 1000-ǵa deıin, ıaǵnı 5 esege ósken. Bul jaǵdaı densaýlyq saqtaý júıesine úlken júkteme artyp otyr. Osyǵan baılanysty vedomstvoaralyq komısıa qosymsha shekteý sharalaryn qabyldady.
«Iaǵnı vaksınalaý mártebesine qaramastan, shetelden kelgenderdiń barlyǵynda teris PTR testiniń bolýy mindetteldi. Ashyq baǵdarlamasy boıynsha «jasyl« mártebe bolǵanda ǵana jumys isteýge ruqsat etilgen obektiler tizbesi keńeıtildi. Óńirlerdegi epıdemıologıalyq ahýalǵa baılanysty oqýshylardy, stýdentterdi oqytýǵa dıfferensıaldy tásil qoldanylady. Halyq kóp jınalatyn oryndarǵa qosymsha shekteýler engizildi. Bul májbúrli sharalar, eń aldymen, azamattarymyzdy qorǵaýǵa baǵyttalǵan», - dep túsindirdi E.Toǵjanov.