Bir top depýtat toǵyzqumalaq oıynynyń ataýyn ózgertýdi usynyp, Úkimetke saýal joldaǵan edi.
Ulttyq oıynnyń ataýy ózgermeıtin boldy, dep habarlaıdy Almaty-akshamy.kz
Vıse-premer Tamara Dúısenova bul usynysty orynsyz dep sanaıtynyn aıtqan.
Tamara Dúısenova halyqtyń jadynda, sondaı-aq A. Krasnov, N. Pantýsov, B. Kýftın, R. Karýts, M. Balaqaev, Á. Aqshoraev, S. Amanjolov, S. Tileýbaev pen basqa da kóptegen ǵalymdardyń eńbekterinde jáne M. Áýezovtyń shyǵarmalarynda oıyn «toǵyzqumalaq» dep atalatynyn eske saldy. Oǵan qosa, qazaq halqyna tıesili myńjyldyq tarıhy bar toǵyzqumalaq ataýyn ózgertý federasıanyń da, basqa uıymdardyń da quzyretine kirmeıdi.
«Ulttyń mádenı murasy sanalatyn myńjyldyq tarıhy bar toǵyzqumalaq oıynynyń ataýyn óz qalpynda qaldyrǵandy jón dep sanaımyz», - delingen jaýapta.