Sońǵy kezderi seksýaldyq sıpattaǵy qylmystar sanynyń artýyna baılanysty Ádilet mınıstrligi zertteýdiń jańa túri – Sot-seksologıalyq saraptamany engizý boıynsha jumystardy bastady, dep habarlaıdy almaty-akshamy.kz.
Saraptama tekserilýshiniń psıhoseksýaldyq damýda qandaı da bir aýytqýlardyń bar nemese joqtyǵyn, aýytqýlar baıqalsa, olar neni bildiretinin jáne pedofılderdi anyqtap, tekserilýshige hımıalyq kastrasıa qajet pe, joq pa degen suraqqa jaýap beredi, – dedi Ádilet mınıstrliginiń resmı ókili Talǵat Ýálı baspasóz máslıhatynda.
Resmı ókildiń aıtýynsha, osy jobany iske asyrý maqsatynda Astana qalasynyń Sot saraptamalary ǵylymı-praktıkalyq ortalyǵynyń 3 sot sarapshysy Belarýs Respýblıkasynda oqýdan ótti. Qazirgi ýaqytta Sot-seksologıalyq saraptama túri boıynsha ádisteme ázirlenip jatyr.