Almaty oblysynyń Balqash aýdanynda 9 qyz tárbıelep otyrǵan polısıa qyzmetkeri turady.
24.kz nelearnasynyń málimetinshe, jergilikti polısıa qyzmeti bólimshesiniń bastyǵy qyzmetin atqaratyn maıor shenindegi jigit aǵasynyń úlken qyzy 9-synypta oqysa, eń kishisi – 4 aılyq. Zaıyby ekeýi onynshy perzentin kútip júr, dep habarlaıdy almaty-akshamy.kz
2008 jyldan beri quqyq qorǵaý organdarynda jumys isteıtin Azamat Abrdahmanov pen zaıyby Jazıra Mańǵytaıqyzy ekeýiniń otaý qurǵanyna bıyl 17 jyl boldy. Aqnur, Gúlnur, Káýsar, Jasmın, Aıarý, Tomırıs, Adına, Medına, Daıana esimdi qyzdary qyr gúlindeı jaıqalyp ósip keledi. Azamat 8 naýryzda eshqaısysyn bólip-jarmaı, bárine syılyq ázirleıdi eken.
«10 syılyq alý ońaı ma?! 10 syılyq alyp beredi bárimizge, eshkimdi bólmeıdi. Qyzdarynyń bárin birdeı jaqsy kóredi. Bárine birdeı meıirimdilikpen qaraıdy», - deıdi Azamattyń jary Jazıra Malǵajdarova.
Árıne, baqyttymyn. 9 qyzdyń ákesi bolý – baqyt. Endi alǵa qoıǵan maqsatymyz bar, ul bolsa eken deımin, urpaq kerek. Qyz degen negizi, kóbi aıtýshy edi, kózimiz jetip otyr, jaqsy eken. 8 naýryz – Halyqaralyq áıelder kúnimen Qazaqstan halqy áıelderiniń bárin quttyqtaımyz! - dedi Balqash aýdandyq jergilikti polısıa qyzmeti bólimshesiniń bastyǵy Azamat Abdrahmanov.
Azamat Asqaruly Almatyda 10 jyldaı tájirıbe jınap, 2014 jyly óziniń týyp-ósken aýyly Baqanasqa aýysqan. Aýdan halqy ony jaqsy tanıdy. Maıor shenindegi polısıa qyzmetkerin áriptesteri de maqtan tutady.
Jeke qasıeti boıynsha aıtatyn bolsaq, jumysyna tıanaqty. Úıine úlgili áke. 9 qyzdyń ákesi bola tura, jumys ómirine belsendi qatysyp, qylmysty jeke izimen anyqtaý barysyna árdaıym atsalysyp otyrady, - deıdi Balqash aýdandyq polısıa bóliminiń bastyǵy Aıdar Omarov.
Azamat pen Jazıra búginde onynshy perzenti ul bolady degen úmitte.
«Osy kúngi jastar dárigerge kórinip, balalarynyń jynysyn aldyn ala bilip alýǵa qumar. Allanyń bergenine kúpirlik qylý – bizge jat qylyq. Túsine bilgen janǵa qyz – keń óris», – deıdi olar.