Táýelsiz Memleketter Dostastyǵyna qatysýshy memleketter qarýly kúshteriniń birlesken gýmanıtarlyq mınasyzdandyrý ınjenerlik bólimshesi týraly kelisim 2020 jylǵy 18 jeltoqsanda jasaldy.
Parlament Májilisiniń jalpy otyrysynda «Táýelsiz Memleketter Dostastyǵyna qatysýshy memleketter qarýly kúshteriniń birlesken gýmanıtarlyq mınasyzdandyrý ınjenerlik bólimshesi týraly kelisimdi ratıfıkasıalaý týraly» zań jobasy maquldandy, dep habarlaıdy Almaty-akshamy.kz
«Kelisimniń maqsaty – gýmanıtarlyq mınısyzdandyrý tapsyrmalaryn oryndaý úshin birlesken bólimsheni qurý, qoldaný, onyń qyzmetin aıaqtaý tártibin jáne mártebesin aıqyndaý. Birlesken bólimsheniń negizgi mindetteri – mına alańdaryna jáne jarylý qaýpi bar zattardyń bolýyna tehnıkalyq barlaý jasaý, sondaı-aq olardy mınasyzdandyrý», - dedi QR Qorǵanys mınıstriniń orynbasary Tımýr Dándibaev.