AMW-2021 barysynda aqparattyq kún tártibiniń ózekti máseleleri kóterilmek
Aıtýly shara 27-28 qyrkúıek kúnderi ótedi. Oǵan bedeldi álemdik BAQ-tyń top-menedjerleri, memlekettik apparat ókilderi, tanymal jýrnalıster, qujatshylar jáne AQSH, Ulybrıtanıa, Reseı, Qazaqstan, Ózbekstan, Qyrǵyzstan blogerleri qatysady, dep habarlaıdy Almaty-akshamy.kz.
24.kz saıtynyń habarlaýynsha, Astana Media Week-2021 eki kúnge sozylady. AMW-2021 oqıǵalary onlaın jáne oflaın-alańdarda da josparlanǵan.
Sonymen, onlaın rejıminde «Derekti kıno: tájirbıesi men bolashaǵy» dóńgelek ústeli jáne «Medıany damytý strategıasy» konferensıasy ótedi. Osy oqıǵalardaǵy talqylaýlarǵa 5 eldiń spıkerleri qosylady. «Ótkir áleýmettik taqyryptardy qamtý erekshelikteri» jáne «Qazaq tildi baspalardyń bolashaǵy» atty dóńgelek ústelderi sarapshylardyń, medıamenedjerlerdiń, jýrnalıster men qoǵamdyq pikir kóshbasshylarynyń basyn qosady.
Kúnderdiń birinde Astana Media Week uıymdastyrýshylary Formats Day jabyq is-sharasyn ótkizedi. Onda tusaýkeserlerdi álemdegi eń iri teleónim dıstrıbútor-kompanıalarynyń ókilderi ótkizedi. Formats Day qatysýshylary jetekshi beıne kontent jasaýshylarynyń seriktesteri bolý múmkindigine ıe bolady. Bul is-sharanyń baǵdarlamasynda tele-, radıobaǵdarlamalardy jasaýda jetekshi mamandardyń, jańalyqtar redaksıalarynyń, baspasóz qyzmetteriniń basshylarynyń, blogerlerdiń sheber klastar serıasy da jarıalanatyn bolady. Oqytý kontentine qatysty hedlaıner retinde bıznes-jattyqtyrýshy, TMD Spıkerleri Qaýymdastyǵynyń Prezıdenti Radıslav Gandapas sóz sóıleıdi.
«Astana Media Week-2021» tolyq baǵdarlamasyn astanamediaweek.kz. resmı resýrsynan tabýǵa bolady. Oqıǵa jańalyqtary áleýmettik jeliler paraqshalarynda jarıalanady.