Bul tizimge kirý otandyq teńizshilerdiń kásibı dıplomdaryn halyqaralyq qoǵamdastyqtyń tanýyn qamtamasyz etedi.
Halyqaralyq teńiz uıymynyń (HTU) táýelsiz sarapshylar komısıasy QR Indýstrıa jáne ınfraqurylymdyq damý mınıstrliginiń Qazaqstandyq teńizshilerdi daıarlaý júıesiniń Teńizshilerdi daıarlaý jáne dıplomdaý jónindegi halyqaralyq konvensıanyń (DDVA Konvensıasy) talaptaryna sáıkestigin tanýǵa jáne Qazaqstandy «aq tizimge» engizýge arnalǵan jańasha ótinimin qanaǵattandyrdy, dep habarlaıdy Almaty-akshamy.kz atalǵan mınıstrlikke silteme jasap.
Osy tizimge engendikten, bizdiń teńizshiler DDVA Konvensıasyna qol qoıǵan barlyq memleketterde jumys isteı alady. QR-nyń Ulybrıtanıadaǵy elshiligin HMU sarapshylary elimizde teńiz bilimi, keme ekıpajy múshelerin dıplomdaý jáne medısınalyq tekserý, teńiz oqý-trenajer ortalyqtaryn kýálandyrýǵa jetkilikti ulttyq normatıvtik-quqyqtyq baza qalyptasqan degen qorytyndyǵa kelgenin habarlady.
Osyǵan baılanysty, 2021 jyldyń 4-8 qazan aralyǵynda ótetin Teńiz qaýipsizdigi jónindegi komıtettiń 104-shi otyrysynda HTU Bas hatshysy Komıtet múshelerin Qazaqstannyń teńizshilerdi daıarlaý júıesiniń Konvensıa talaptaryna sáıkestigi týraly táýelsiz sarapshylardyń sheshimi týraly habardar etedi. Bul elimizdiń HTU-nyń «aq tizimine» engizilgenin resmı túrde rastaıdy.