Gúmrı 2024 jyly TMD elderiniń sport astanasy bolyp tanyldy.
Munda TMD elderiniń Dene shynyqtyrý jáne jáne sport keńesi konferensıasy ótedi, dep habarlaıdy Almaty-akshamy.kz QazAqparatqa silteme jasap.
Mundaı sheshim Mınskide ótken TMD elderiniń Dene shynyqtyrý jáne jáne sport keńesiniń kezekti otyrysynda qabyldandy. Budan bólek, Armenıa Respýblıkasynyń ýákiletti ókili, Armenıa Respýblıkasy mınıstriniń orynbasary Karen Gıllan Táýelsiz memleketter dostastyǵyna qatysýshy memleketterdiń Dene shynyqtyrý jáne sport jónindegi keńesiniń tóraǵasy bolyp saılandy.
«TMD elderiniń yntymaqtastyǵy aıasynda sportqa úlken mán beriledi. Birte-birte qarym-qatynas áldeqaıda jaqyn bola túsýde jáne is-sharalar tanymaldyǵy artyp keledi. Sport astanasyn tańdaý máselesi de mańyzdy. 2024 jyly Gúmrı sport astanasy bolady», - dedi Armenıa Respýblıkasy Bilim, ǵylym, mádenıet jáne sport (BǴMS) mınıstriniń orynbasary Karen Gıloıan Armenpress-ke bergen suhbatynda.
Onyń aıtýynsha, Gúmrıde de konferensıalar ótedi.
«Sport astanasyn tańdaýdyń birneshe nusqasy boldy, biraq biz Gúmrıdi usyndyq, gúmrılyq sportshylardyń qandaı jetistikterge jetkenin usyndyq. Sebebi, qazir Gúmrıde úkimettiń qoldaýymen Artýr Aleksanán atyndaǵy iri sport kesheni salynyp jatqandyqtan, biz olardyń Armenıa úkimetiniń sportqa úlken kóńil bóletinin óz kózderimen kórgenin qaladyq», - dedi ol.
AR BǴMS mınıstriniń orynbasary Karen Gıloıan 2023 jylǵy 1 qyrkúıekten bastap TMD elderiniń dene shynyqtyrý jáne sport jónindegi keńesin basqarady.