Kelisim shart aıasynda qalany damytýdyń negizgi ınstıtýty jahandyq deńgeıde áriptestik úshin múmkindikterdi keńeıtedi jáne qujattyń on negizgi qaǵıdatyn júrgizetin bolady
Almaty BUU-nyń Turaqty damý maqsattaryna (BUU TDM) qoljetkizýge baǵyttalǵan halyqaralyq qoǵamdastyqtaǵy óz ustanymyn nyǵaıtady. Bul prosestiń bir bóligi búginde 160-tan astam memleketten 9500 kompanıa men 3000 komersıalyq emes uıym qatysatyn BUU-nyń jahandyq kelisim-shartyna qatysýy bolyp tabylady. 2023 jylǵy 20 shildede «Almaty qalasyn damytý ortalyǵy» AQ (ADO olardyń qataryna qosyldy
BUU-nyń jahandyq kelisim shartynyń quramyna endi.
"Búginde BUU TDM-ǵa qoljetkizý jónindegi óz kúsh-jigerin tek memleketter ǵana emes, sonymen qatar komersıalyq jáne komersıalyq emes uıymdar men kompanıalar da biriktire alady. Ol úshin BUU-nyń jahandyq kelisim - sharty bar. Bul turaqty damý ıdeıalaryn ustanatyn jáne is júzinde tıisti sheshimder qabyldaýǵa jáne iske asyrýǵa daıyn kompanıalardyń qyzmeti úshin saıası platforma jáne praktıkalyq negiz bolyp tabylady. «Almaty qalasyn damytý ortalyǵynyń" jahandyq kelisim shartqa qosylýy Qazaqstanda BUU TDM – ǵa qo jetkizý tek saıası deklarasıa ári ulttyq deńgeıde ǵana emes, óńirlik deńgeıde de júrip jatqan praktıkalyq jumys ekenin bildiredi», deıdi oqıǵanyń oń mánin atap ótken BUU-nyń Turaqty damý maqsattary jónindegi sarapshysy Sergeı Soı.
Sarapshy Jahandyq kelisim shart BUU-nyń ornyqty damý qaǵıdattaryna sáıkes bıznes-prosester men korporatıvtik mádenıetti biriktirýge jáne júıeleýge baǵyttalǵanyn aıtty. Kelisim shart platforma retinde jahandyq máselelerdiń birlesken sheshimderin ázirleýge jáne aýqymyn anyqtaýǵa múmkindik beredi.
Birikken Ulttar Uıymynyń qazirgi Bas hatshysy Antonıo Gýterrısh kezinde: «Jeke sektor halyqaralyq yntymaqtastyqty damytý, memlekettik-jekemenshik seriktestikterge qatysý, ortaq máselelerdiń ınovasıalyq sheshimderin izdeý jáne jaýapty bıznes júrgizý arqyly bul proseste ortaq rólge ıe» degen edi.
Búginde túrli elderdiń isker toptary BUU-men jáne ózara yntymaqtastyq quraly retinde BUU-nyń Jahandyq kelisim - shartyn qoldana otyryp yntymaqtasýda.
«Ózderińiz bilesizder, Almaty ótken jyly 2025 jylǵa deıin damýdyń jańa Baǵdarlamasyn jáne 2030 jylǵa deıingi orta merzimdi perspektıvalardy qabyldady. Baǵdarlama turaqty damýǵa baǵyttalǵan maqsattar men mindetterdi anyqtaıdy, olar negizinen BUU TDM mazmunymen sáıkes keledi. ADO Almatynyń turaqty áleýmettik-ekonomıkalyq damýyna yqpal etetin negizgi ınstıtýt bolyp tabylady. Bul qyzmette biz osy jyldyń maýsym aıynda ózimizdiń damý baǵdarlamamyz ben josparymyzdy qabyldadyq, onyń ishinde Almatynyń damýyn BUU TDM jahandyq kún tártibimen jáne mindetterimen úndestirýge baǵyttalǵan. BUU-nyń Jahandyq kelisim- shartyna qatysa otyryp, biz óz nıetimizdi jáne BUU-nyń Turaqty damý maqsattaryna adaldyǵymyzdy rastaımyz», - dedi «Almaty qalasyn damytý ortalyǵy» AQ basqarma tóraǵasy Andreı Shovkoplás. Ol kelisim- shartqa qosylý qala men onyń ınstıtýttarynyń keshendi evolúsıa prosesiniń bir bóligi ekenin atap ótti.
Shovkoplás osy bastamaǵa qosylatyn uıymdar óz qyzmeti men strategıalaryn Jahandyq kelisim - sharttyń on qaǵıdatyna sáıkes keltirýge mindetteme alatynyn jáne búginde ADO-nyń jumysy olarǵa tolyqtaı sáıkes keletinin atap ótti. Sondaı-aq, ol qala úshin jańa múmkindikterge nazar aýdardy-BUU-nyń Jahandyq kelisim- sharty Almatyǵa turaqty ekonomıkalyq orta qurý bóliginde sheteldik áriptestermen tájirıbe almasýǵa, BUU TDM-ǵa qoljetkizý aıasynda ınvestısıalar tartýǵa jáne qalalyq jobalardy iske asyrýǵa múmkindik beredi.