Jerlesterimiz jeńis tuǵyrynan kórindi
Elimizdiń Mádenıet jáne sport mınıstrliginiń dereginshe, «Aq Barys» jekpe-jek saraıynda belbeý kúresten jeńimpazdar anyqtaldy, dep habarlaıdy Almaty-akshamy.kz.
2001-2003 jyldary dúnıege kelgen jasóspirimder 14 júlde jıyntyǵyn (uldar 8, qyzdar 6 salmaqta) sarapqa saldy. Qazaqstandyq sportshylar eki altyn, bes kúmis jáne úsh qola medalǵa qol jetkizdi.
48 keli salmaqta beldesetin Balymaı Tólegen fınalda ózbekstandyq qurbysy Mohıgýl Ibragımovany 8:5 esebimen utsa, erler arasynda 62 keli salmaq dárejesinde synǵa túsken Nursultan Nurseıitov qyrǵyz Qalysbek Qaıymovty taza jeńip, qurama qorjynyna ekinshi altyndy saldy.
52 keli salmaqtaǵy Nazerke Ábiltaeva ózbekstandyq Farangız Abdýnabıevaǵa, 66 keli salmaqtaǵy Asyljan Orynbasarova taǵy bir ózbekstandyq Maftýnaboný Mahmýdovaǵa ese jiberip, kúmis júldeger atandy. Sonymen qatar uldar arasynda +100 kg salmaqta Baqbergen Berbenbaı reseılik Zýrab Makasarıaǵa, 100 kelide Zańǵar Jańabek qyrǵyz Nurmanbet Raımaly ýýlýǵa, 57 kelide Jandos Ábýbákirov ózbekstandyq Komronbek Ortıkovqa jol berip, kúmiske ıe boldy.
Sondaı-aq, Saǵat Baıǵaraeva (58 kg), Qaldygúl Beket (76 kg), Naýryzbek Mamyt (75 kg) úzdik úshtikti túıindep, qola medalǵa ıe boldy. Barlyǵy 10 júldeni jeńip alǵan Qazaqstan quramasy bul sport túrinde jalpy esepte Ózbekstan men Reseıden keıin úshinshi satyǵa turaqtady.