Jaýapkershilikke tartylǵan azamat ózen arnasyna las sý aǵyzǵan.
Almaty polıseıleri ekologıaǵa zıan tıgizgen azamaty jaýapqa tartty, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, polısıa quqyq buzýshyny «Kazachka» ózenine las sýlardy zańsyz aǵyzǵanyn anyqtaý boıynsha jergilikti is-shara júrgizý kezinde anyqtaǵan.
«Reıdtiń negizgi maqsaty «Kazachka» ózeniniń lastaný kózderin anyqtaý jáne buzýshylyqtar anyqtalǵan kezde, olardy joıý bolyp tabylady. Ashyq fakt anyqtaldy. Jergilikti turǵyn – A.esimdi azamat kóshedegi dárethanadan nájisti osy ózenge aǵyzyp kelgen. Ol bul áreketi úshin QR ÁQbK-niń 505-baby boıynsha ákimshilik jaýapkershilikke tartyldy. Sonymen qatar, biz anyqtalǵan zań buzýshylyqtardy dereý joıýdy talap ettik», – dedi Almaty qalalyq PD jergilikti polısıa qyzmeti basqarmasynyń bastyǵy Manap Sattarov.
Polıseıler bul is-sharanyń Almaty qalasy ekologıa departamenti, Medeý aýdandyq PB JPQB ekologıalyq polısıasy, Medeý aýdany ákiminiń apparaty, «Qazgıdromet» RMK, Almaty qalasy sanıtarlyq-epıdemıologıalyq baqylaý departamenti, Balqash-Alakól baseındik sý qoryn retteý men qorǵaý ınspeksıasy jáne Almatydaǵy azamattyq qoǵam ókilderimen birlesip ótkizilgenin túsindirdi.
