TJD astanalyqtardan qyraǵylyq tanytyp, saqtyq sharalaryn saqtaýlaryn surady, dep habarlaıdy almaty-akshamy.kz
«Astana qalalyq tótenshe jaǵdaılar departamentiniń órt sóndirý bólimsheleri 15 gektar aýmaqta qurǵaq jerdegi órtti sóndirý jumystaryn jalǵastyrýda. Oqıǵa ornyna QR Tótenshe jaǵdaılar mınıstri Syrym Sháriphanov keldi. Órtti sóndirýge Astana qalalyq TJD jeke quramynyń 158 mamany men 33 birlik tehnıkasy, sondaı-aq qala ákimdigi men «Astana ormany» mekemesiniń tehnıkasy jumyldyryldy. Órtti sóndirý úshin Qorǵanys mınıstrliginiń eki MI-17 tikushaǵy tartyldy. Órt sóndirý shtaby quryldy», - dep atap ótedi atalǵan departamenttiń baspasóz qyzmetinen.
Vedomstvo málimetinshe, turǵyn úıler men orman alqaptaryna qaýip joq.
«Qurmetti turǵyndar, sizden qyraǵylyq tanytyp, kelesi saqtyq sharalaryn saqtaýlaryńyzdy suraımyz: TJD jáne basqa da senimdi kózderdiń usynystaryn oryndańyz; eger siz syrtta bolsańyz, tútinnen qorǵaıtyn maska kıgen durys; tútinniń bólmege enýine jol bermeý úshin terezeler men esikterdi jabyńyz», - dep eskertedi vedomstvodan.