TJM buıryǵymen, 28 jastaǵy almatylyq bokstan jattyqtyrýshy Danıar Safın jasóspirim qyzdy, sondaı-aq onyń shákirtteri Nazerke Erikova jáne Dastan Qurmanǵalı balany sýda qutqarý kezinde kórsetken batyldyǵy men qaısarlyǵy úshin «Sýǵa batqandardy qutqarǵany úshin» medalimen marapattaldy.
Marapatty Almaty qalasy TJD bastyǵynyń mindetin atqarýshy polkovnık Erlan Álibekov tabys etti.
«Azamattyq qorǵaý organdarynyń atynan sizderge erlikterińiz úshin alǵys aıtamyn. Sizder qyzdy qutqaryp, oǵan ekinshi ómir syıladyńyzdar dep te aıtýǵa da bolady. Sizderdiń sheber áreketterińiz ben azamattyq ustanymdaryńyzdyń arqasynda jazataıym oqıǵanyń bolýyna jol berilmedi. Sizge jáne ujymyńyzǵa sportta jáne jattyqtyrýshylyq qyzmette úlken tabys tileımin. Jalpy, qala turǵyndary men qonaqtaryna joldy qysqartpaýǵa jáne osy kaskadtardyń astynan ótpeýine keńes beremiz.Kaskadtardyń taıǵaq bolýyna baılanysty qaýipti bolyp tabylady», - dep Erlan Álibekov atap ótti.
Esterińizge sala keteıik, 2023 jylǵy 2 maýsym kúni saǵat 20:00 shamasynda bokstan jattyqtyrýshy Safın Danıar oqýshylar tobymen «Shahrıstan» TK aımaǵyndaǵy Úlken Almaty ózeni arnasynyń beton (turaqtandyrylǵan) jaǵasynda júgirip kele jaqtan. Kenetten, alda kele jatqan top músheleri Danıardy shaqyryp alyp, sýdy nusqady. Ol sý aǵynynan balanyń eki qolyn kórdi, bul13-14 jas shamasyndaǵy qyz bala edi. Belgili bolǵandaı, ol sý tógetin túsip ketip, ony qatty aǵyn tartqan. Danıar ómirine qaýip tóngenine qaramastan, bir sekýndta kidirmeı, ózen arnasyna kómekke júgirip baryp, qyzdy qutqaryp, ony qaýipsiz jerge shyǵarýǵa kómektesken eki shákirtine berdi.
«Meniń sol aıaǵymdy qatty aǵyn tartty. Oń aıaǵyma jáne beton tiregine súıenip, sýdan álsirep qalǵan qyzdy birden shyǵaryp aldym. Shamasy, ol uzaq ýaqyt boıy sýdan shyǵýǵa tyrysqan, alaıda aǵyndy jeńe almaı, sý astyna túse bastaǵan. Qyz qurbysymen jáne qutqarýǵa kómektesken eresektermen qaýipsiz jerge shyǵaryldy. Ókinishke oraı, men qyzdyń atyn surap úlgermedim, ony qaýipsizdigine kóz jetkizdim, ári qaraı jattyqtyrýshylyq jumysymdy kerek boldy. Sýǵa batyp bara jatqan qyzdy baıqaǵan shákirtter tobyna alǵys aıtqym keledi», - deıdi Danıar Safın.
Almaty qalasynyń Tótenshe jaǵdaılar departamenti sýdaǵy qaýipsizdik erejelerin saqtaýdy usynady:
- balalardy qaraýsyz qaldyrmańyzdar;
- «Shomylýǵa tyıym salynady» degen belgileri bar jerlerde shomylýǵa bolmaıdy;
- qolaısyz aýa-raıynda jáne qarańǵyda shomylýǵa bolmaıdy;
- júze almasańyz, belden joǵary sýǵa túspeńiz;
- sýburqaqtarda shomylýǵa bolmaıdy.
Almaty qalasy TJD baspasóz qyzmeti