Aqtóbe oblysynyń Sarysaı – Hromtaý aralyǵynda júk poıyzy 25 qoıdy qaǵyp ketti, – dep habarlaıdy almaty-akshamy.kz Polisia.kz. silteme jasap.
Oqıǵa Aqtóbe oblysynyń Sarysaı – Hromtaý aralyǵynda bolǵan. Júk poıyzynyń mashınısi temir joldarda janýarlardyń bolýyna baılanysty soqtyǵysýdy boldyrmaý maqsatynda shuǵyl tejeýdi qoldandy.
Alaıda soqtyǵysýdyń aldyn alý múmkin bolmady, poıyz 25 qoıdy qaǵyp ketti. Onyń 20-sy óldi. Josparlanbaǵan poıyz turaǵy 10 mınýtty qurady. Ótkizilgen is-sharalardyń nátıjesinde Qandyaǵash stansıasyndaǵy jelilik polısıa bóliminiń qyzmetkerleri úı janýarlarynyń ıesin anyqtady. Ol Aqtóbe oblysynyń 64 jastaǵy turǵyny bolyp shyqty.
Oǵan qatysty QR ÁQBtK-niń 559-babynyń 1-bóligi boıynsha ákimshilik hattama toltyrylyp, 5 aılyq eseptik kórsetkish mólsherinde aıyppul salyndy.
Esterińizge sala keteıik, jyl basynan beri kóliktegi polısıa departamentiniń qyzmet kórsetý aýmaǵynda poıyzdardyń shuǵyl tejelýiniń 670 faktisi tirkeldi, onyń ishinde adamdardyń bolýyna baılanysty – 172, temirjol tóseminde úı janýarlarynyń bolýymen 386 fakti tirkelgen.