AQSH-tyń jaǵalaý kúzeti muhıt túbindegi «Tıtanıkti» tamashalaýǵa shyqqan týrıser qaza tapty dep málimdedi.
«Tıtan» súńgýiri tıesili kompanıa mert bolǵandardyń týǵan-týystaryna kóńil aıtty. İzdestirý toby Atlant muhıtynda 18 maýsymda joǵalyp ketken «Tıtannyń» keıbir bólshekterin taýyp aldy, dep habarlaıdy Almaty-akshamy.kz.
Borttaǵy týrıser tiri qalǵan jaǵdaıda 96 saǵatqa jetetin ottegi bar edi, beısenbide ol taýsyldy. Keshe jaǵalaý kúzeti sý astynda belgisiz dúmpý bolǵanyn tirkegen. Qazir onyń anyq-qanyǵy tekserilip jatyr. AQSH, Kanada, Fransıanyń qutqarýshylary ótken jeksenbide joǵalyp ketken «Tıtandy» 30 myń sharshy shaqyrym aýmaqta izdeý jumystaryn júrgizdi. Bir adamǵa 250 myń dollar turatyn týrısik sapar osylaısha qaıǵyly aıaqtaldy. Súńgýir bortynda brıtandyq mıllıarder, 19 jastaǵy ulymen birge pákistandyq kásipker, fransýz zertteýshi jáne OceanGate-tiń negizin qalaýshy bolǵan.
«Qarańyz. Siz 5 jastaǵy balaǵa shardy tes deısiz, ol sekýndqa jetpeı jarylady. Muhıttyń astynda da osyǵan uqsas jaǵdaı boldy. Bir sekýndta joq boldy. Dál sondaı jarylys, biraq qatty qysymmen ishine qaraı jaryldy. Múmkin, 4 kún boıy qınalǵansha osylaı bolǵany durys ta shyǵar. Meniń oıymsha, eshkim ne bolǵanyn túsinbeı de qaldy», - deıdi Teńiz tehnologıasy súńgýir kólikter komıtetiniń tóraǵasy Ýıll Konen.