Eýrazıadaǵy eń bıik sanalatyn Klúchevskaıa janartaýy atqylaı bastady, dep habarlaıdy Almaty-akshamy.kz.
Bul týraly reseılik TASS agenttigine Janartaýlardyń atqylaýyn baqylaıtyn kamchatkalyq toptyń (KVERT) jetekshisi, Reseı ǵylym akademıasy Qıyr Shyǵys bóliminiń Výlkanologıa jáne seısmologıa ınstıtýtynyń ǵylymı qyzmetkeri Olga Gırına habarlaǵan, dep jazdy QazAqparat.
«Janartaýdyń jaı ǵana jarqyraýy emes, strombolıalyq tıptegi eń joǵary jarylǵysh atqylaý tirkeldi. Ázirge mundaı atqylaý eshkimge qaýipti emes: halyq úshin de, avıasıa úshin de», - dedi Olga Gırına.
Klúchevskaıa - kontınenttegi eń belsendi janartaý, onyń bıiktigi - 4750 metr. Janartaýdyń sońǵy ret atqylaýy 2020 jyldyń qazan aıynda boldy. Eń jaqyn eldi meken - Ýst-Kamchatskıı aýdany, Klúchı aýyly - janartaý baýraıynda, kraterden 30 shaqyrym qashyqtyqta ornalasqan.