Bundaı jaqsy jańalyqty japondar ashyp otyr. Kúnshyǵys eliniń Toregem Biopharma startapy álemde alǵash ret tis ósiretin dári ázirlep, stamotologıa salasynda týra maǵynasynda tóńkeris jasady dese bolady.
Atalǵan dári synaqtan sátti ótken. Bul jaıynda islam.kz portalyna silteme jasaı otyryp Almaty-akshamy.kz habarlaıdy.
Osylaısha tis emdeýde teńdesi joq ári asa tıimdi, múldem tyń ádis paıda bolyp otyr. Tistiń ósýin tejeıtin aqýyzdardy bógeıtin antıdenelerge negizdelgen Toregem Biopharma tehnologıasy boıynsha tyshqandarǵa júrgizilgen synaqtan sátti ótken. Klınıkalyq synaqtardyń alǵashqy kezeńi deni-qarny saý 30eresek er adamǵa júrgizilýde. Bul synaq dáriniń qaýipsizdigi men tıimdiligin túsiný jolyndaǵy mańyzdy qadam retinde alǵa shyqpaq. 2025 jylǵa josparlanǵan zertteýdiń ekinshi kezeńi týabitti anodontıasy (Týabitti kesel – adam ishinara nemese tolyq tissiz dúnıege keleten, sırek kezdesetin dert.
Statısıkalyq málimetke sáıkes anodontıa aýrýynan álem halqynyń 0,1%-y zardap shegedi) bar 2 jastan 7 jasqa deıingi naýqastardy emdeýdi qamtymaq. Iaǵnı, osy synaqtardan-aq atalmysh dáriniń qoldanylýy aıasyyń keń bolatynyn baıqaı alamyz. Toregem Biopharma 2030 jylǵa qaraı naryqqa shyǵyp qalýy múmkin. Bul jańalyq óz kezeginde búkil álemdegi medısınalyq qaýymdastyq pen emdelýshilerge stomatologıa men aýyz qýysynyń densaýlyǵyn bıik beleske kóteretin osy ınovasıalyq tehnologıanyń paıdasyn kórýge múmkindik beredi.