İs-sharaǵa Almaty qalasynyń ákimi Erbolat Dosaev, Desanttyq-shabýyldaý áskerleriniń qolbasshysy – Almaty óńirlik garnızonynyń bastyǵy general-maıor Almaz Jumakeev, Qarýly kúshterdiń ardagerleri jáne qalanyń barlyq kúsh qurylymdarynyń áskerı qyzmetshileri qatysty, dep habarlaıdy Almaty-akshamy.kz Qorǵanys mınıstrligine silteme jasap.
Kóptegen jyldar boıy Qarýly kúshterdiń áskerı-orkestrlik qyzmetin basqarǵan Qazaqstan Respýblıkasynyń eńbek sińirgen qaıratkeri Aleksandr Belákovtyń jetekshiligimen estradalyq-sımfonıalyq orkestr óz kompozısıalarymen óner kórsetti.
Ulttyq áskerı-patrıottyq ortalyǵy fılıaly mýzykanttarynyń aspaptyq nómirleri, 38-shi Desanttyq-shabýyldaý brıgadasynyń vokalısteri, Madına Sádýaqasova jáne basqa da ártisterdiń oryndaýyndaǵy ánder kórermenniń qoshemetine bólendi.
Al IL canto kvartetiniń oryndaýyndaǵy birinshi qorǵanys mınıstri, Uly Otan soǵysynyń ardageri, Halyq qaharmany Saǵadat Qojahmetuly Nurmaǵambetovty eske alýǵa arnalǵan "Saǵadat" ánin zal tik turyp tyńdady.