Bul týraly búgin ótkizilgen Óńirlik komýnıkasıalar qyzmetiniń brıfıńinde Almaty qalasy Áleýmettik medısınalyq saqtandyrý qorynyń basshysy Tileýhan Ábildaev málimdedi, dep habarlaıdy Almaty-akshamy.kz
Qor basshysy MÁMS arqasynda medısınalyq kómek sapasyn arttyrýdyń katalızatory bolatyn medısınalyq qyzmet kórsetýshilerdiń básekege qabiletti ashyq naryǵyn qurý qajet ekenin aıtty.
Qor túsimderi týraly aıta kele, Tileýhan Ábildaev MÁMS júıesi engizilgen sátten bastap medısınalyq saqtandyrý qoryna 655,2 mlrd teńge túskenin habarlady. Sonymen qatar, barlyq qarajattyń besten bir bóligi áli de ońtústik astanaǵa tıesili eken.
"2017 jyldyń 1 shildesinen 2021 jyldyń 31 mamyryna deıingi kezeńde Almaty qalasynan MÁMS-ke túsetin túsimderdiń jalpy somasy 1,9 mln adam úshin 121,7 mlrd teńgeden asty", - dep habarlady spıker.
Túsimniń negizgi bóligi nemese 89,7 mlrd teńgeden astamy – jumys berýshilerdiń aýdarymdary, qalǵan 32 mlrd teńge – jeke kásipkerler men azamattyq-quqyqtyq sıpattaǵy sharttar boıynsha jumys isteıtin adamdardyń salymdary. Sondaı-aq, 2019 jyldyń basynan bastap 200 myńnan astam ózin-ózi jumyspen qamtyǵan almatylyq 462,6 mln teńge kóleminde biryńǵaı jıyntyq tólemin tóledi.
Tileýhan Ábildaev atap ótkendeı, Qor óz naýqastaryn tyńdap, óziniń baılanys arnalary arqyly keri baılanys arqyly olardyń quqyqtaryn qorǵaıdy.
Osy jyldyń 4 aıynyń qorytyndysy boıynsha Almaty qalasynyń turǵyndarynan 103 288 ótinish tústi. Onyń ishinde 157 alǵys hat, 100 myńnan astam keńes bar.
Eske salsaq, medısınalyq uıymdar tarapynan quqyqtar buzylǵan jaǵdaıda naýqastar keri baılanys arnalary, atap aıtqanda Qoldau 24/7 mobıldi qosymshasy, 1406 biryńǵaı baılanys ortalyǵy men fms.kz. resmı saıty arqyly Qorǵa ótinish jibere alady. Barlyq ótinishter mindetti túrde qaralady.