Tuńǵysh Prezıdent Nursultan Nazarbaev Sybaılas jemqorlyqqa qarsy is-qımyl agenttiginiń tóraǵasy Marat Ahmetjanovqa álemdik tájirıbeni zertteýdi jáne qoldanysqa engizýdi jalǵastyrý kerektigin aıtty.
Elbasy Nursultan Nazarbaev Sybaılas jemqorlyqqa qarsy is-qımyl agenttiginiń tóraǵasy Marat Ahmetjanovty qabyldady, dep habarlaıdy Almaty-akshamy.kz Elbasy.kz caıtyna silteme jasap.
Nursultan Nazarbaev táýelsizdik jyldarynda Qazaqstanda sybaılas jemqorlyqqa qarsy kúres máseleleri boıynsha aýqymdy is atqarylǵanyn aıtty.
«Biz táýelsizdiktiń alǵashqy kúnderinen bastap jemqorlyqqa qarsy kúres salasynda jumys istep kelemiz. Degenmen áli de atqarylatyn sharýa az emes. Bul proseske qoǵamdy jumyldyrǵan jón. Osy baǵytta álemdik tájirıbe jetkilikti, sony zertteýdi jáne qoldanysqa engizýdi jalǵastyrý kerek», – dedi Qazaqstannyń Tuńǵysh Prezıdenti.
Kezdesýde Marat Ahmetjanov Sybaılas jemqorlyqqa qarsy is-qımyl agenttiginiń jemqorlyq qaterlerin taldaý jáne aldyn alý, sybaılas jemqorlyq salasyndaǵy halyqaralyq yntymaqtastyqty nyǵaıtý sharalary týraly aıtty. Sondaı-aq agenttik qyzmetiniń tıimdiligin odan ári arttyrý josparyn baıandady. Agenttik tóraǵasynyń málimeti boıynsha, sońǵy 5 jylda Qazaqstannyń Sybaılas jemqorlyqty qabyldaý ındeksindegi pozısıasy jaqsaryp, 122-shi orynnan 94-shi orynǵa aýysty.