Qyrǵyzstan Prezıdenti Sadyr Japparov qazaq aqynyna at mingizdi degen qýanyshty habar el ishinde tarady.
Búgin osyǵan qatysty aıtys aqyndary men jyrshy - termeshiler odaǵy tóraǵasynyń birinshi orynbasary Amanjol Áltaev áleýmettik jeli arqyly óz pikirin bildirdi, dep habarlaıdy Almaty-akshamy.kz.
- Mynaý Birjan degen uıaty joq, beti qalyń jigit eken. Onyń muqym qazaq eliniń atynan dombyra ustap sóıleıtindeı jóni joq edi. Sebebi qazaq aıtys ónerinde mundaı aqyn joq. Másele bul jigittiń tanymal bolmaǵanynda emes. Eger kesek oı aıtsa, kórkem óleń órip naqyshyn keltire sóılese, tilenip at suramasa, tileýin tilep tek qýanar edik.
Qyrǵyz baýyrlardyń ystyq peıiline raqmet! Biraq, kim kóringendi kósheden taýyp alyp, qazaq eliniń aqyny dep el aldyna shyǵarmaýyn suraımyz. Qazaq eliniń aıtys aqyndary men jyrshy - termeshiler odaǵynyń tóraǵasynyń birinshi orynbasary retinde málimdeımin. Qazaq halqynyń bekzat óneriniń qunyn olaı túsirmeýlerin talap etemin. Aqyndyq talanty joq mundaı pysyqaılar eshkimge de opa ápermeıdi. Endigi jerde QYRǴYZ BAÝYRLAR eki eldiń aıtys aqyndary odaǵynyń arasyndaǵy qol qoıylǵan memorandýmdaǵy erejeni saqtaýdy, bizder usynǵan aqyndy ǵana halyq aldyna shyǵarýlaryn suraımyz.
Qustyń qos qanatyndaı baýyrlas eldiń dostyǵyn jalǵan óleńshiler emes, naǵyz qurmetke laıyq daryndy aqyndar jyrlasyn.
Birjan baýyrymyz elge jetkesin halyqtan, barsha aıtys aqyndarynan keshirim suraýdy umytpasyn, -dep jazdy ol.
Belgili aıtys aqynynyń jazbasyna qatysty eki túrli pikir órbidi. Al «Altyn dombyra» ıegeri Muhtar Nıazov áriptesiniń pikirin qoldady.
Bergisi kelse beredi ǵoı, Qyrǵyz eli márttikten kende emes. Biraq bildeı bir halyqtyń atynan baryp «maǵan at mingizseńiz, jaıaý kelip edim, jaıaý qaıtamyn ba?» dep jalyn tósep, jalynyp surap alý uıat menińshe. Negizi Shymkentte úlken alamandarǵa qosylmasa da talabyn synap júrgen jas aqyndar da kóp. Alǵan aty qutty bolsyn, Alla kýá oǵan eshkimniń daýy joq. Biraq mynadaı bir eldiń atynan baryp , bulaı áreket jasaý rasynda tompaqtaý kishkene, -dep jazdy ol.
Assaloomý aleıkým Amanjol aga. Den-soolýk, ıshterıńız jakshyby? Kúúlúú, demdúú týrasyzby?
Aga, Dúınólúk Kók-Bórú chempıonaty rasmıı bashtalgan kúnú kyrgyzdyn ekı akyny jar salyp yrdamak boldý, úch manaschy dagy ónór tartýýladyk. Oshol jerden Kazakstandan jagy akyn kelıptır, koshýlýp yrdaıt degen maalymatty ýktýk. Kım eken, kım kelıptır? Bız taanygandardan beken degenche bolboı ele sahnaga chyga keldı.... Yrdashty. Púlttan kórúshtúk. Oı aga, kaı jaktyn akynysyz, kımsız desek, Túrkstan oblýsýnan dedı, Bekarys, Nýrlan, Bórúbaı agalardy taanyıt eken. Tolýk taanyshyp bútkónchó ele Prezıdentıbızdın atynan Bıshkekte argymak kútúp jatkandygyn jar salyshty. Kýttýktap alyp tarap kettık.Yras, aıtyshtarga maıda kózdúú elekten ótkórúp anan chakyryp jatabyz, sporttýk oıýndarga kıılıgıshe albadyk aga. Býıýrsa, Kyrgyz ýlýttýk «Manas» teatry menen Odaktyn maksattýý kyzmattashýýsý óz bıııktıgın kórsótót dep ıshenem. Iıgılık kaalaım aga.