Bilim qyzmetkerleriniń respýblıkalyq tamyz keńesi ótedi

Eki kúnge jalǵasatyn paneldik jáne seksıondyq sesıada pedagogter mektepke deıingi, orta, tehnıkalyq, kásibı, qosymsha, ınklúzıvti bilim berý, balalardyń quqyǵyn qorǵaý jáne sapaly bilimmen qamtamasyz etýge qatysty ózekti máselelerdi talqylaıdy.

24-25 tamyz aralyǵynda eldiń 20 óńiri boıynsha bilim qyzmetkerleriniń respýblıkalyq «Ádiletti Qazaqstan: sapaly bilim, adal urpaq, tabysty ult» atty tamyz keńesi ótedi, dep habarlaıdy Almaty-akshamy.kz QR Oqý-aǵartý mınıstrliginiń baspasóz qyzmetine silteme jasap.

24 tamyzda óńirlerde óz taqyryptyq baǵyttaryna sáıkes seksıondyq otyrystar ótedi:

• Mektepke deıingi oqytý – Qyzylorda oblysy;

• Aýyl mektebi – Aktóbe oblysy;

• Oqýǵa qushtar ult –Abaı oblysy;

• Inklúzıvtik jáne arnaıy bilim – Qostanaı oblysy;

• Pedagog mamandary – Soltústik-Qazaqstan oblysy;

• Daryndy balalar - ult maqtanyshy –Ulytaý oblysy;

• Bilim berý tehnologıalary – Almaty oblysy;

• Balalardyń demalýy men saýyǵýy – Akmola oblysy;

• Jaıly jaǵdaı qalyptastyrý – Astana qalasy;

• Balalardy qoldaýdyń teń múmkindigin qalyptastyrý – Qaraǵandy oblysy;

• Mektepte durys tamaqtanýdy uıymdastyrý – Almaty qalasy;

• Qosymsha bilim berý – Shyǵys-Qazaqstan oblysy;

• Ulttyq qundylyqtar negizindegi tárbıe – Túrkistan oblysy;

• Bilim berý salasynda qaýipsiz ortany qalyptastyrý – Atyraý oblysy;

• Tehnıkalyq jáne kásiptik bilim berý – Pavlodar oblysy;

• Bilim mazmunyn jaqsartý arqyly sapany arttyrý – Mańǵystaý oblysy;

• Bilim salasyndaǵy baqylaý jáne baǵalaý – Jambyl oblysy;

• Qarjylyq-quqyqtyq tártip – Jetisý oblysy;

• Bilim salasyndaǵy menedjment – Batys-Qazaqstan oblysy;

• Bilim salasyn sandyq júıege kóshirý – Shymkent qalasy.

25 tamyzda 20 óńirdiń qatysýymen Biryńǵaı respýblıkalyq plenarlyq sesıa onlaın rejımde ótedi. Oǵan bilim berý júıesiniń 12 myń qyzmetkeri qatysady. Forýmnyń plenarlyq sesıalary mınıstrliktiń, oblystyq bilim basqarmalarynyń, vedimistik baǵynysty uıymdardyń Facebook, Instagram jáne YouTube resmı paraqshalarynda taratylady.