Almatydaǵy «Tilekter shyrshasy»: Prezıdent atynan balalarǵa oıynshyqtar, kitaptar men elektronıka syıǵa tartyldy
Almatyda «Tilekter shyrshasy» atty jańa jyldyq qaıyrymdylyq aksıasy ótti. Jańa jyl qarsańynda balalarǵa QR Prezıdenti Qasym-Jomart Toqaevtyń atynan syılyqtar tabystaldy. Jańa jyl qarsańynda QR Prezıdentine Almaty qalasynyń daryndy, shyǵarmashylyq, sporttyq, talantty balalary tilekterin joldady. Sonymen qatar, aksıaǵa jetim men ata-anasynyń qamqorlyǵynsyz qalǵan balalar jáne erekshe bilim berý qajettiligi bar balalar qatysty. Aksıanyń basty maqsaty – balalardy qoldaý, qýanysh syılaý jáne jańa jyldyq sıqyr kórsetý.
Qazaqstan Respýblıkasy Prezıdentiniń atynan almatylyq bes balaǵa syılyq tabystaldy.
Olar: № 26 JBBM oqýshysy Nádirbekova Aqnıet, №2, 9 JBBM oqýshysy Semetov Artýr, №208 JBBM oqýshysy Nurǵalı Nurádil, №124 JBBM oqýshysy Qystaýbaev Ábdirahman jáne №4 JBBM oqýshysy Mırhalıkova Malıka.
Buǵan qosa, barlyq balaǵa Prezıdent atynan quttyqtaý hattary men kámpıtter jıyntyǵy berildi.
Olardy Almaty qalasy ákiminiń orynbasary Ásem Núsipova tapsyrdy. Balalar iPad Apple, sıntezator, kitaptar, LEGO oıynshyqtary, táttiler jıyntyǵyn aldy.
«Jańa jyl – ár bala ǵajaıypty, sıqyrdy kútetin ertegige toly jarqyn mereke. El Prezıdenti Qasym-Jomart Kemeluly Toqaevtyń bastamasymen elimizdiń barlyq óńirinde jyl saıyn 9-13 jas aralyǵyndaǵy balalarǵa arnalǵan jańa jyldyq shyrsha merekesi ótkiziledi.
«Balalar – bul elimizdiń bolashaǵy men sizderdiń qabiletińizge qaramastan, barlyǵyńyzdy birdeı jaqsy kóremiz jáne sizderdiń zamanaýı mektepterde sapaly bilim alýyńyzdy, bilimdi, deni saý balalar bolyp ósýińizdi, Otanymyzdy, Qazaqstanymyzdy, qalamyzdy jaqsy kórýińizdi qalaımyz. Al búgin osyndaı tamasha merekede árqaısyńyz Prezıdent atynan jańa jyldyq syılyq alady. Jańa Jyl syılyqtar ǵana emes, jaqyndaryńyzdan qamqorlyq pen súıispenshilik te kóre berińizder», - dedi Almaty qalasy ákiminiń orynbasary.
«Tilekter shyrshasy» - olarǵa shynymen senetinder úshin tańǵajaıyp mereke jasaýǵa arnalǵan aksıa. Bul rette, árqaısymyz bireýlerge qamqorlyq kórsetip, sıqyrshy bola alamyz!