Osyndaı uranmen almatylyq polıseıler balalarǵa qýanysh syılady.
Kópbalaly otbasy balalarynyń Aıaz ataǵa jazǵan haty týraly tártip saqshylary burynnan kele jatqan dosy, birneshe qaıyrymdylyq jobalarynyń avtory Kıra Ýdarsevadan bilgen. Ol balalardyń jańajyldyq Aıaz atadan syılyq kútetinin aıtty. Sodan jańajyldyq keıipkerler balalarǵa qonaqqa bardy. Balalar yqylaspen án aıtyp, taqpaq oqyp, Aıaz ata men Aqshaqardy qýantty.
«Jaqsylyqtyń shekarasy joq. Osy uranmen Almaty polısıasynyń qyzmetkerleri ondaǵan kópbalaly jáne az qamtylǵan otbasylarǵa baryp, balalardyń jańa jyldyq tilekterin oryndady. Balalardyń qýanyshy, olardyń ǵajaıypqa degen senimi óte qundy. Biz bul ıgi dástúrdi qurmetteımiz jáne baǵalaımyz», – dedi Almaty qalalyq polısıa departamenti bastyǵynyń orynbasary Oljas Myrzabekov.