«Júzdegen qazaq sol strımge telmirip, tıyn aýdaryp, ýaqyt joǵaltyp máz», dep jazdy jýrnalıs Abaı Seıfýllauly FB paraqshasyna.
Jýrnalısiń jazýynsha, rý jarys ótkizgen tıktoker qaı rý ókili kóp aqsha salsa, sony tizimde joǵary kóterip qoıady eken, dep habarlaıdy Almaty-akshamy.kz
«Taǵy bir tikeleı efır vırtýal oıyny bar. Aqsha aýdarsań kólik nómirine sol oblystyń serıasyn qoıyp beredi. 17, 09 degendeı. Almaty kóbirek aqsha aýdarsa, Shymkenttiń kóligin jaryp jiberedi. Soǵan 100 myńdap aqsha jumsaǵan adamdardy kórdim. Jalpy bizdiń adamdar alaıaqqa aldandym dese aıaýshylyq tanyta bermeımin, sebebi ózderi suranyp loh (aýdarmasy qalaı) bolyp júredi. Saýat ashýǵa jumsaıtyn qarjyny alaıaqtyń qolyna ózi aparyp beredi. Seniń tegiń keremet dese atynan túsip ózi jaıaý qalady. Bal ashtyrady, táýip aralaıdy nemese tikeleı efırde osylaı ego qanaǵattandyrady. Ulttyń kompleksin joımasa, qıyn nárse bul», dep jazdy Abaı Seıfýllauly.