Byltyr olardyń sany 10 myńnan asqan.
Shymkenttiń haıýanattar baǵyndaǵy erekshe janýardyń biri, qýysmúıizdiler tuqymdasyna jatatyn jabaıy sıyr tóldedi, dep habarlaıdy Almaty-akshamy.kz atalǵan zoobaqtyń málimetine silteme jasap.
«Bul – álemdegi tarıhı jaǵdaılardyń biri. Sebebi HH ǵasyrdyń birinshi shıreginde Eýropadaǵy tabıǵı jáne antropogendik jaǵdaılardyń áserinen zýbr sany 30 bas qana boldy. Sońǵy esep boıynsha, 2023 jyly olardyń sany 10 myńnan asqan. Onyń 3 myńǵa jýyǵy qoryqtar men zoosaıabaqtarda tirshilik etedi», - dedi Shymkent memlekettik haıýanattar baǵynyń ókilderi.
Zýbr – Eýropadaǵy eń iri tuıaqty janýar. Olardyń denesiniń uzyndyǵy 3,5 metrge deıin jetedi, al bıiktigi 2 metrden asady, salmaǵy 1 tonnaǵa barýy múmkin.
«Qazir zýbr buzaýynyń jaǵdaıy jaqsy. Veterınarlyq dárigerler men bıologtardyń kúndelikti baqylaýynda. Zoobaq kórermenderine zýbr buzaýyn kórýge múmkindik bar. Ol jańbyrdy qatty unatady jáne sheńber jasap aınalǵandy jaqsy kóredi», - dedi haıýanattar baǵynyń mamandary.
Qazir olar zýbrdyń buzaýyna qoıatyn jańa at oılastyryp jatyr.