Jyl basynan beri 9 myńǵa jýyq adam «qandas» atanǵan.
Mınıstrlik úsh myń adamǵa "qandas" mártebesin berýden bas tartty, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Qandas mártebesi ótinish berýshi sheshimde kórsetilgen qonystaný aımaǵyna kelgen kúni ǵana kúshine enedi. 2017-2023 jyldar aralyǵynda elimizdiń soltústik jáne ortalyq óńirlerine 10,9 myń qandas qonys aýdardy. Mınıstrliktiń taldaýy boıynsha, qandastar men qonys aýdarýshylardyń shamamen 85% - y qonystaný aımaqtarynda turady, 15% - y basqa aımaqtarǵa ketken.
«Mınıstrlik sonymen qatar osy jyldyń alty aıynda 3287 ótinish boıynsha qandas mártebesin berýden bas tartylǵanyn habarlady. Bas tartýdyń negizgi sebebi – qujattardyń tolyq bolmaýy. Bul rette ótinish berýshilerdiń kópshiligi eskertýlerdi túzetse, qujat qaıta qaralady»,-delingen habarlamada.
İshki ister mınıstrligi qandas mártebesin alǵan elden ketken azamattardyń jeke esebin júrgizbeıtinin atap ótti.
2023 jyly pılottyq rejımde Qazaqstan elshilikteri arqyly "bir tereze" qaǵıdaty boıynsha qandas mártebesin berý tetigi jumys isteı bastady. Onyń sheńberinde elge barý, jumys orny, turǵyn úı berý múmkindikteri týraly máseleni sheshýge jáne respýblıka aýmaǵyna kirmeı-aq qandas mártebesin alýǵa bolady. Búgingi tańda respýblıkanyń shet elderdegi mekemeleri arqyly jańa formatta etnıkalyq qazaqtardan 9 569 ótinish (656 otbasy) qabyldandy.
1991 jyldan bastap Qazaqstanǵa barlyǵy 1 mln 135,7 myń etnıkalyq qazaq oralǵan.