Sheteldik balalar arnasynyń múltfılmderi qazaq tiline aýdarylady
Búgin Aqparat jáne qoǵamdyq damý mınıstri Aıda Balaevanyń «Groupe M6» kompanıasynyń telearnalar men radıostansıalar portfelin halyqaralyq dıstrıbýsıalaý jónindegi dırektory Jan-Rene Okýtúremen jáne «Ltı Vostok» bas dırektory Marıa Jabına-Pantelıkpen kezdesýi ótti, dep habarlaıdy Almaty-akshamy.kz.
QazAqparat saıtynyń málimetinshe, taraptar balalardyń tanymal múltıplıkasıalyq arnalaryn, atap aıtqanda, «TiJi» telearnasyn qazaq tiline aýdarý boıynsha yntymaqtastyqtyń damytý perspektıvalaryn talqylady.
Bul memlekettik tildegi balalar kontentin arttyrýdaǵy mańyzdy qadam bolmaq.
«Qazirgi aqparattyq ǵasyrda múltfılmderdiń balaǵa áseri erekshe. Bul baǵytta elimizde úlken jumys atqarylyp jatyr. Osy saladaǵy jarqyn jobalardyń biri - balalar tutynatyn memlekettik tildegi kontentti ulǵaıtý maqsatynda tanymal balalar arnalarynyń múltıplıkasıasyn qazaq tiline aýdarý. Sizdiń arnańyzdyń osyndaı jobalardy iske asyrýdaǵy tájirıbesin jáne habar taratýdaǵy tilderiniń molshylyǵyn nazarǵa ala otyryp, bizdiń usynysymyzdy qabyldaǵanyńyzǵa qýanyshtymyn», - dep atap ótti mınıstr Aıda Balaeva.
Kezdesýge qatysýshylar ózara tıimdi qarym-qatynasty nyǵaıtý jáne odan ári jolǵa qoıý týraly nıetin rastaı otyryp, jan-jaqty yntymaqtastyqqa jáne birlesken jobalardy iske asyrýǵa daıyn ekenin bildirdi.