Karantın sharalaryn saqtamaǵany úshin ákimshilik jáne qarjylyq jaýapkershilik júkteledi
Aǵymdaǵy jyl basynan beri sanıtarlyq-epıdemıologıalyq baqylaý departamentteriniń, ákimdikterdiń, qoǵam belsendileri men polısıa qyzmetteriniń ókilderi memlekettik organdar aıqyndaǵan sanıtarlyq-karantındik is-sharalardy saqtaý turǵysynan SHOB obektilerine monıtorıń júrgizý boıynsha turaqty jumys júrgizýde, dep habarlaıdy Almaty-akshamy.kz.
Bul týraly Sanıtarlyq-epıdemıologıalyq baqylaý komıteti habardar etti.
Monıtorıń negizinen qoǵamdyq tamaqtaný, saýda nysandary, sonymen qatar adamdardyń kóp shoǵyrlanýymen buqaralyq is-sharalar ótkiziletin oryndardy qamtıdy.
Aǵymdaǵy jylǵy 1 qańtar men 25 qyrkúıek aralyǵynda elimizdiń barlyq óńirleri boıynsha 180 998 reıdtik tekserý júrgizildi, 975 124 obekt qamtyldy. Onyń ishinde karantın talaptaryn buzýshylyq 26 667 (2,7%) nysanda anyqtaldy. Sonyń ishinde basym bóligi SHQO-da (5 344), Túrkistan (4 399), Qaraǵandy (1 660) oblystarynda, Almaty (3 906), Shymkent (2 452), Nur-Sultan (1 580) qalalarynda tirkeldi.
Negizgi buzýshylyqtar: karantın kezeńinde qyzmetine tyıym salynǵan obektilerdiń jumys isteýi, qonaqqa barý kezinde shekteý rejıminiń saqtalmaýy, karantındik rejım talaptaryna jaýap bermeıtin buqaralyq is-sharalar ótkizý.
4 067 jospardan tys tekserý nátıjeleri boıynsha 3 742 uıǵarym berildi, 392 materıal sotqa joldandy, 113 nysannyń qyzmeti toqtatyldy. Ákimshilik sanksıalar 15 086 nysanǵa jáne 9 833 jeke tulǵaǵa salyndy, jalpy somasy 2 mlrd. teńgeden astam aıyppul óndirildi.