Testileý uzaqtyǵy – tórt saǵat (240 mınýt). Sondaı-aq, erekshe bilim berý qajettilikteri bar talapkerler úshin qosymsha 40 mınýt ýaqyt qarastyrylǵan, dep habarlaıdy almaty-akshamy.kz
«Testileý kezinde talapkerlerge birneshe úzilis beriledi. Testileýdiń 60 mınýty ótkennen keıin 2 mınýt, 120 mınýttan keıin 3 mınýt jáne 180 mınýttan keıin 3 mınýt kóleminde úzilis beriledi. Bul ýaqytta testke qatysýshylar jattyǵý jasap, sý iship, ózderimen birge alyp kelgen shokoladty jeı alady», - dedi QR ǴJBM Ulttyq testileý ortalyǵynyń dırektory Rýslan Emelbaev.
Shyǵarmashylyq baǵytty tańdaǵan talapkerlerge tapsyrmalardy oryndaý úshin 70 mınýt beriledi. Olar UBT-ny eki pán – «Qazaqstan tarıhy» jáne «Oqý saýattylyǵy» boıynsha tapsyrady.
Shyǵarmashylyq mamandyqtan basqa mamandyqqa aýysýǵa nıetti stýdentter úshin testileý uzaqtyǵy – 130 mınýt. Testke qatysýshylardyń bul sanaty tańdaýy boıynsha eki beıindik pán boıynsha test tapsyrady.
Óz mamandyǵy nemese sabaqtas baǵyt boıynsha oqýyn jalǵastyrýdy josparlap otyrǵan kolej túlekterine UBT-da 120 mınýt beriledi. Osy ýaqyt ishinde olar jalpy kásiptik jáne arnaıy pánder boıynsha tapsyrmalardy oryndaıdy.
Uqsas mamandyqtar boıynsha oqýdy jalǵastyrýdy josparlap otyrǵan shyǵarmashylyq baǵytty támamdaǵan kolej túlekteri úshin testileý ýaqyty – 80 mınýt. Olar UBT-ny bir arnaıy pán boıynsha tapsyrady