Qazaqstan men Ázerbaıjan prezıdentteri telefon arqyly sóılesti
Qasym-Jomart Toqaev Ilham Álıevti Ázerbaıjan Respýblıkasynyń Prezıdenti laýazymyna kezekten tys ótken saılaýdaǵy aıqyn jeńisimen quttyqtady, dep habarlaıdy almaty-akshamy.kz
Memleket basshysy saılaýdaǵy daýys berý qorytyndysy Ilham Álıevtiń Ázerbaıjandy odan ári nyǵaıtýǵa, eldiń áleýmettik-ekonomıkalyq ál-aýqatyn qamtamasyz etýge jáne memlekettiń halyqaralyq arenadaǵy bedelin arttyrýǵa baǵyttalǵan strategıalyq baǵdary men aýqymdy reformalary búkilhalyqtyq qoldaýǵa ıe bolǵanyn anyq kórsetkenin atap ótti.
Qasym-Jomart Toqaev Ilham Álıevtiń ázerbaıjan halqynyń ıgiligi men damýy úshin qolǵa alǵan barlyq josparynyń tabysty oryndalýyna tilektestik bildirdi.
Óz kezeginde Ázerbaıjan Prezıdenti quttyqtaǵany úshin Qasym-Jomart Toqaevqa alǵys aıtyp, baýyrlas Qazaqstanmen aradaǵy ǵasyrlar boıy qalyptasqan dostyq, strategıalyq seriktestik jáne odaqtastyq rýhyndaǵy yntymaqtastyqty odan ári tereńdete berýge nıetti ekenin rastady.