Uıymdastyrýshylar bir kúnniń ishinde 1000-ǵa jýyq qala turǵynyna kómektesken
Almatyda qalalyq máslıhat depýtaty Nurymbek Taý Alataý aýdany ákimdigimen birlesip qaıyrymdylyq aksıasyna bastamashy boldy. Olar azyq-túlik sebetterin daıyndap, muqtaj otbasylarǵa taratty, dep habarlaıdy Almaty-akshamy.kz Almaty.tv-ge silteme jasap.
Uıymdastyrýshylar bir kúnniń ishinde 1000-ǵa jýyq qala turǵynyna kómektesken. Olar qazaqstandyqtardy ıgi sharany qoldap, qaıyrymdylyqpen aınalysýǵa shaqyrady.
«Osy isti barlyǵymyz birlesip qolǵa alyp jatyrmyz. Kómektesip jatqan halyqqa alǵysymyzdy bildiremiz. Búginnen bastap osy aýdandaǵy az qamtylǵan otbasylarǵa azyq-túlik qorabyn taratýdy bastadyq», – dedi máslıhat depýtaty Nurymbek Taý.