Elimizde terrorlyq áreketterdiń aldyn alý baǵytynda sharalar jıi ótip turady.
Oǵan aımaqtaǵy barlyq bilim berý salasyndaǵy TTO obektilerdiń menshik ıeleri, basshylary men antıterrorlyq qaýipsizdikke jaýapty qyzmetkerler qatysady, dep habarlaıdy aqshamnews.kz.
Óıtkeni terrorlyq áreketterdiń aldyn alýǵa qoǵamnyń árbir múshesi daıyn bolýy qajet.
Aldymen, TTO bilim berý obektileriniń terorızmge qarsy qorǵalýyn uıymdastyrý, terorıstik qaýip týyndaǵan jaǵdaıdaǵy alǵashqy áreket etý algorıtmi pysyqtalyp, qatysýshylar nazaryna QR TQO shtaby daıyndaǵan oqýlyq beınematerıaldar usynylady. Alǵashqy áreket etý algorıtminiń mańyzdylyǵymen qatar normatıvtik quqyqtyq aktiler boıynsha túsindirme jumystaryna jan jaqty toqtalady.
Sonymen qatar, QR Bilim jáne ǵylym mınıstrliginiń 2022 jylǵy 30 naýryzdaǵy №117 buıryǵymen bekitilgen «Qazaqstan Respýblıkasy bilim berý salasyndaǵy qyzmetti júzege asyratyn terorıstik turǵydan osal obektileriniń terorızmge qarsy qorǵalýyn uıymdastyrý jónindegi nusqalyǵynyń» talaptary jetkiziledi.
Qorytyndylaı kele, bilim berý obektilerinde terorızm aktisin jasaýdy barynsha azaıtýǵa yqpal etý maqsatynda TTO obekti basshylary men antıterrorlyq qaýipsizdigine jaýapty qyzmetkerlerge nusqaýlyqtyń talaptaryna sáıkes, barlyq ujymdy qamtı otyryp teorıalyq sabaqtardy toqsanyna bir ret jáne praktıkalyq sabaqtardy jylyna bir ret uıymdastyrý qajettiligi de eske salyndy.