Terror – alýan túrli keıipte kórinis beretin, halyqaralyq aýqymda qater tóndiretin asa qaýipti jáne aldyn ala boljaýy qıynǵa soǵatyn kúrdeli qubylystardyń birine aınalyp bara jatqany jasyryn emes.
Ýaqyt ótken saıyn terrorlyq áreketterdiń de túrleri kóbeıe túsýde, dep habarlaıdy aqshamnews.kz.
Sarapshylardyń pikirinshe, terror negizinen áleýmettik máselelerden bastalatyn janjaldardan, ultaralyq jáne dinı shıelenisterden, esirtki trafıgi men uıymdasqan qyl-mystardan, zańsyz qarý-jaraq saýdasynan týyndaıdy. Sonymen qatar, adam quqyqtarynyń saqtalmaýy, kedeıshilik, taǵy basqa da problemalar terrorlyq ıdeologıanyń tara¬lýyna qolaıly jaǵdaı týǵyzady. Qazaqstan basshylyǵynyń dinaralyq, kon¬fessıaaralyq jáne etnosaralyq qatynastarda júrgizip kele jatqan salmaqty da salıqaly saıasatynyń nátıjesinde elimizde terrorshyldyqtyń jaıylýyna túrtki bolatyndaı ishki alǵysharttar joq. Degenmen, qazirgi kezde ózge memlekettermen qatar, Qazaqstan úshin de terrorshyldyqtan tónetin qaterdiń ózektiligi kún tártibinen túspek emes. Halyqaralyq qoǵamdastyq pen óńirlerdegi saıası-ekonomıkalyq jáne áleýmettik máselelerdiń ózara táýeldiliginen týyndap jatqan terrorshyldyqtyń jahandaný úrdisin nazarǵa alatyn bolsaq, bul qaýip-qaterler naqty jáne shynaıy túrde kórinis tabatyny baıqalady. Sondyqtan udaıy terrorlyq áreketterdiń aldyn alý baǵytynda jumystar júrgizilýi kerek.