Sybaılas jemqorlyqqa qarsy is-qımyl agenttiginiń resmı ókili Arman Tileýkenov atyshýly "ÓKM Operatory" isi boıynsha tergeý barysynda eshkim Álıa Nazarbaevanyń esimin atamaǵanyn málimdedi, dep habarlaıdy almaty-akshamy.kz.
«Álıa Nazarbaeva 2016 jyly ÓKM operatorynyń birinshi quryltaıshysy boldy. Bul — ashyq derekkózderden alynǵan málimetter. Sonymen qatar iske qatysy bar adamdar, kýágerler ROP joǵalǵanǵa deıin kompanıany Álıa Nazarbaeva jalǵan tulǵalar arqyly basqarǵanyn birneshe ret aıtyp, sottalýshy onyń esepshotyna aqshany qalaı aýdarǵanyn egjeı-tegjeıli aıtyp berdi. Meniń oıymsha, siz de munyń bárin bilesiz jáne burynǵy prezıdenttiń qyzynyń nege bul iske qatysy joqtyǵyn, tipti jaýapqa tartylmaǵanyn túsindirip berińizshi».
Sodan soń spıker sotqa deıingi tergeý kezinde Álıa Nazarbaeva jaıly eshkim tis jarmaǵanyn aıtty.
"Tergeý júrgizý barysynda qylmystyq proseske qatysýshylardyń eshqaısysy bul adamnyń "Operator ROP" isine qatysyn aıtqan joq. Sot prosesi kezinde - múmkin, aıtqan shyǵar. Biraq tergeý barysynda ózge famılıalar atalmady", - dedi ol.
Eske sala keteıik, "Operator ROP" isin tergeý ótken jyly bastalǵan bolatyn. Ekologıa vıse-mınıstri Ahmetjan Pirimqulov, "Operator ROP" JSHS basqarma tóraǵasy Medet Qumarǵalıev, bas dırektor Svetlana Korotkenko jáne qarjy dırektory Rýstem Temirbek qamaýǵa alyndy. Olarǵa alty qoqys shyǵaratyn zaýyt salý úshin jeke uıymdy zańsyz qarjylandyrý arqyly kádege jaratý alymdary túrinde jınalǵan 180 mlrd teńgeni urlamaq boldy degen aıyp taǵyldy.
Al 17 qarashada Astananyń qylmystyq ister jónindegi aýdanaralyq sotynda eks-prezıdenttiń kenje qyzy Álıa Nazarbaevanyń burynǵy úı qyzmetshisi jáne ÓKM Operatorynyń "resmı" eks-quryltaıshysy Shynar Muqtarovanyń isine núkte qoıyldy. Bir aı sot talqylaýynan keıin sýdıa Muqtarovanyń bas bostandyǵyn 7 jylǵa shektedi.