Olardy “Quqyqtyq tártip” is-sharasy aıasynda qalalyq krımınaldyq polısıa basqarmasynyń Alataý aýdandyq PB jáne polısıanyń arnaıy jasaqtarynyń qyzmetkerleri ustady.
Tańǵy saǵat bes jarymda Shańyraq shaǵyn aýdanynda Turysov kóshesindegi úılerdiń birin tonap ketken eki er adam – Tájikstan azamattary ustaldy, dep habarlaıdy Almaty-akshamy.kz Polisia.kz-ke silteme jasap.
«Ustalǵan kezde kúdiktilerden zattaı aıǵaqtar tárkilendi. Olar QR QK-niń 188-baby 3-bóligi boıynsha tergelip jatqan qylmystyq is materıaldaryna tirkeldi. Kúdiktilerdiń osydan birneshe kún buryn qalanyń Áýezov aýdanynda bolǵan páter urlyǵyna qatysy bar bolýy múmkin ekeni anyqtaldy. Olardyń basqa da qylmystarǵa qatysy bar-joǵy jan-jaqty tekserilip jatyr», – deıdi Alataý aýdandyq polısıa basqarmasynyń birinshi orynbasary Danıar Omarov.
Sonymen qatar qaskóılerdiń qalada jalǵa alǵan Kia kólikpen júrgendigi belgili boldy. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.