Almatyda bilim basqarmasy memlekettik satyp alý bóliminiń basshysy ustaldy.
Ol balalardyń demalysyn uıymdastyrýshydan 12 mln teńge para almaq boldy degen kúdikke ilingen, dep habarlaıdy Almaty-akshamy.kz.
Bul týraly qalalyq sybaılas jemqorlyqqa qarsy is-qımyl agenttigi habarlady. Para kompanıany konkýrs jeńimpazy dep taný úshin berilgen. Balalar lagerin uıymdastyrý úshin qajetti materıaldyq nemese eńbek resýrstary joq kompanıa jeńimpaz dep tanylǵany anyqtaldy. Qazir tergeý jalǵasýda.
Eske salaıyq, Almaty qalasynyń syrtyndaǵy balalar lageriniń jumysyna bir top ata-ana narazylyq bildirgen bolatyn.Sebebi, balalar demalatyn oryn saýnada ornalasqan. Prokýrorlar lager jetim jáne ata-anasynyń qamqorlyǵynsyz qalǵan balalarǵa arnalǵan Almaty qalalyq bilim basqarmasynyń búdjetinen qarjylandyrylǵanyn anyqtaǵan edi.