Bul týraly Senattyń jalpy otyrysynda İshki ister mınıstri Marat Ahmetjanov málimdedi, dep habarlaıdy Almaty-akshamy.kz BAQ.KZ-ke silteme jasap.
Qylmystyq-quqyqtyq tájirıbe de erekshelik emes, óıtkeni ishki ister organdary eldegi barlyq tergeý isteriniń 95 paıyzdy quraıdy. Bul – óte úlken kólem. Qyzmetkerlerge júktemeni azaıtý maqsatynda tergeýdiń elektrondyq formaty engiziledi. Jyl qorytyndysy boıynsha polısıa osyndaı tártippen qylmystyq isterdiń 91 paıyzyn, 207 myńnyń 193 myńyn tergedi. Sonymen qatar tergeý áreketterin beınetirkeý ádisi keńinen qoldanylady. Bul rette beınematerıaldyń mazmunyn qaıtalaı otyryp, egjeı-tegjeıli hattama jasalady, - dep atap ótti vedomstvo basshysy.
Sonymen qatar mınıstr bul eskirgen jáne búrokratıalyq talaptar dep otyr.
Osyǵan baılanysty, Qylmystyq-prosessýaldyq kodekske qysqasha hattama jasaýdy kózdeıtin túzetýler engizý usynylady. Onda tehnıkalyq quraldardy qoldaný, ótkizý ýaqyty, sondaı-aq derekterdiń qysqasha mazmuny týraly aqparatty kórsetý jetkilikti. Bul azamattardyń konstıtýsıalyq quqyqtaryn qorǵaý deńgeıin arttyrýǵa, ýaqyt pen eńbek resýrstaryna shyǵyndardy qysqartýǵa múmkindik beredi, - dedi Marat Ahmetjanov.
Senattyń jalpy otyrysynda «Qylmystyq sot isin júrgizý, jaza atqarý salasyndaǵy adam quqyqtary, sondaı-aq azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketterdiń aldyn alý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasy talqylanyp, birinshi oqylymda maquldandy.