Qujat 14 naýryzǵa deıin talqylaý úshin Ashyq NQA saıtynda jarıalandy.
Qazaqstanda balyqtyń keıbir túrlerin eksporttaýǵa tyıym salynýy múmkin, dep habarlaıdy Almaty-akshamy.kz
QR Ekologıa jáne tabıǵı resýrstar mınıstrliginiń Balyq sharýashylyǵy komıteti "Óńdelmegen balyqtyń jekelegen túrlerin Qazaqstan Respýblıkasynyń aýmaǵynan shyǵarýǵa tyıym salýdy engizý týraly" buıryq ázirledi.
"Jańa muzdatylǵan nemese salqyndatylǵan balyqtyń jekelegen túrlerin (jaıyn jáne kókserke) shyǵarýǵa 6 aı merzimge tyıym salý engizilsin", dep jazylǵan buıryqta.
QR Ekologıa jáne tabıǵı resýrstar mınıstrliginiń túsindirýinshe, qaıta óńdelmegen balyqty eksporttaýǵa tyıym salý máselesi Memleket basshysynyń 2022 jylǵy 8 qarashada Atyraý oblysyna jumys sapary barysynda bergen tapsyrmasyn oryndaý úshin pysyqtaldy.
Statısıka derekteri boıynsha, óńdelmegen balyq eksportynyń barlyq kóleminen úlesi ( jylyna 22,5 myń tonna) – 12,3 myń tonna boldy (55%).
"Óz kezeginde, 2022 jyly barlyq óńdeý kásiporyndardyń jalpy óndiristik qýaty 31,2 myń tonna balyq qaıta óńdeldi, jylyna 142 myń tonnaǵa jýyq bolatyn, ıaǵnı júkteme 22% boldy. Kásiporyndardyń jumys istemeýniń sebepteriniń biri balyq shıkizatynyń jetispeýshiligi. Osy másele boıynsha teńdestirilgen jáne utymdy sheshim qabyldaý úshin QR ETRM balyq sharýashylyǵy sýbektilerimen, bıznes ókilderimen jáne barlyq múddeli taraptarmen shekteýler engizý máselesin talqylaý boıynsha birqatar keńester ótkizdi", – dep túsindirdi vedomstvo.
Osyǵan baılanysty, talqylaý barysynda aıtylǵan kásipkerlik sýbektileriniń pikirlerin eskere otyryp, bastapqy kezeńde 6 aı merzimge Qazaqstan Respýblıkasynyń aýmaǵynan eksporttaǵy úlesi 10% - dan az jańa muzdatylǵan (salqyndatylǵan) jáne muzdatylǵan balyqtardyń, jaıyn men kókserkeniń eksportyn shekteý usynylady.