Senat bul týraly zańdy maquldady.
Senatorlar memlekettik qyzmetshilerdiń rotasıasyn engizý júıesin maquldady, dep habarlaıdy Almaty-akshamy.kz
Joǵary palata spıkeri Máýlen Áshimbaevtyń aıtýynsha, zańmen ortalyq pen óńirler arasynda kadrlyq rotasıa júrgizý sharalary bekitilip otyr.
"Búginde mınıstrlikterdegi kóp azamat óńirlerde jumys istemegen, tájirıbesi joq. Óńirlerde ne bolyp jatqanyn bile bermeıdi. Al mınıstrlikterde qabyldanatyn barlyq sheshim óńirlerdiń múddesin, óńirlerdiń jaǵdaıyn eskerip, qabyldanýy kerek. Osy maqsatta rotasıa mehanızmi jumys isteıdi dep senemiz", - deıdi Áshimbaev.
Spıker óńirler arasyndaǵy rotasıany da qamtý kerektigin erekshe atap ótti.
"Mysaly, batystyń azamattary shyǵysqa baryp jumys isteıtindeı múmkindik bolýy kerek. Soltústiktegi azamattar ońtústikke barsyn. Soǵan jaǵdaı jasaýymyz qajet. Bul elimizdi birtutas memleket retinde damytýǵa óz úlesin qosatyn qadam ekeni sózsiz", - dep atap ótti Áshimbaev.
Aıta keteri, memlekettik qyzmetshilerdi rotasıalaý kezinde turǵyn úıdi jaldaý maqsatynda rotasıalyq tólemder beriledi degen jospar bar.