Shokolad arterıaldy qan qysymyn túsirýge áser etedi
Bul týraly japondyq terapevt Iýmý Morı aıtty, dep habarlaıdy Almaty-akshamy.kz Ren-tv-ǵa silteme jasap.
Onyń pikirinshe, deserttiń bul túrinde kakao flavonoldary kóp. Osynyń arqasynda qan tamyrlaryndaǵy azot oksıdiniń sıntezi bastalyp, olardyń keńeıýi júredi.
Japon dárigeri shved ǵalymdary júrgizgen zertteýge súıenedi. Oǵan 70 myńǵa jýyq adam qatysty. Nátıjesinde shokolad mıokard ınfarktisiniń damý qaýpin azaıtýǵa úlken áser etkenin kórsetti, dep habarlaıdy Diamond online jýrnaly.
Tórt jarym aı ishinde mamandar eki topqa bólingen eriktilerdiń qan qysymyn salystyrdy. Qara shokoladty jegen eksperımentke qatysýshylardyń arasynda qysymnyń joǵarǵy máni synap baǵanasynyń 2,9 mıllımetrge tómendegeni belgili boldy. Sonymen qatar, aq shokolad jegen topta eshqandaı ózgeris bolǵan joq.
Osylaısha, japon dárigeriniń aıtýynsha, shokoladtyń barlyq túrleri densaýlyqqa paıdaly áser ete bermeıdi. Sondaı-aq, ol 70 paıyzdan astam kakao bar shokoladty jeýge keńes berdi.