Tájirıbelerimen bólisti.
Almatyda tenısten ulttyq jattyqtyrýshylar uıymynyń kezekti konferensıasy ótti. Bul jıynǵa alys-jaqyn shet memleketten 140-tan astam tálimger qatysty, dep habarlaıdy Almaty-akshamy.kz Egemen.kz cilteme jasap.
Atalǵan is-shara barysynda osy sport túriniń basy-qasynda júrgen maıtalman mamandar qatysýshylarǵa qundy aqyl-keńes berip, ózderiniń tájirıbesimen bólisti. Máselen, 76 jastaǵy Ivan Molına kezinde Kolýmbıanyń eń beldi tenısshileriniń biri boldy. Ol aralas jup saıysynda 1974 jyly áıgili Martına Navratılovamen birge Rolan Garrostyń jeńimpazy atansa, 1977 jyly fınalda oınady. Keıinnen bapkerlik kásipte baǵy janyp, bir shoǵyr juldyzdy tárbıeledi. Molınadan bólek, Batys jáne Ortalyq Azıadaǵy ITF damytý jónindegi maman Ámir Boreı, Team Kazakhstan akademıasynyń jattyqtyrýshysy Sergeı Kvak, Qazaqstannyń tanymal tenısshisi Dıas Dosqaraev jáne Belarýstan kelgen sarapshy Natalıa Verına sóz sóılep, qyzyqty derektermen bólisti.